ᓱᓕᑦᑎᐊᕐᓂᕐᒧᑦ ᑲᒥᓴᓇᐅᑉ ᒥᒃᓵᓄᑦ

ᒪᓕᒐᓕᐅᕐᕕᖕᒧᑦ ᑎᒃᑯᐊᖅᑕᐅᓯᒪᒐᓗᐊᖅᖢᓂ ᐃᒻᒥᒃᑰᖅᑐᖅ, ᓱᓕᑦᑎᐊᕐᓂᕐᒧᑦ ᑲᒥᓴᓇ ᖃᐅᔨᒪᔨᑕᕆᔭᐅᖃᑦᑕᖅᐳᖅ ᒪᓕᒐᓕᐅᖅᑎᓄᑦ ᐱᔾᔪᑎᖃᖅᑎᓪᓗᒋᑦ ᐱᔭᒃᓴᖅᑖᕆᓯᒪᔭᖏᓐᓄᑦ ᐊᑐᖅᖢᒍ ᐅᑭᐅᖅᑕᖅᑐᒥ ᓱᓕᑦᑎᐊᕐᓂᕐᒧᑦ ᐱᖁᔭᕐᔪᐊᖅ. ᓱᓕᑦᑎᐊᕐᓂᕐᒧᑦ ᑲᒥᓴᓇ ᓇᓗᓇᐃᖅᑕᐅᓯᒪᔪᓂᒃ ᐱᔭᒃᓴᖅᑖᖅᑎᑕᐅᒃᑲᓐᓂᖅᓯᒪᖕᒥᔪᖅ ᐊᑐᖅᖢᒍ ᓄᓇᕗᒻᒥ ᓂᐊᕐᓂᓕᕆᓂᕐᒧᑦ ᐱᖁᔭᕐᔪᐊᖅ.

ᕌᐳᑦ ᔅᑖᓐᐱᐅᕆ ᓯᕗᓪᓕᖅᐹᑦᑎᐊᖑᓪᓗᓂ ᓱᓕᑦᑎᐊᕐᓂᕐᒧᑦ ᑲᒥᓴᓇᓐᖑᖅᑎᑕᐅᓚᐅᖅᓯᒪᔪᖅ ᓄᖅᑲᕕᖕᓂᖓᓄᑦ ᑎᑭᖢᒍ ᒫᔾᔨ 31, 2008-ᒥ. ᑭᖑᕝᕕᖅᑕᐅᓯᒪᑲᐃᓐᓇᓚᐅᖅᑐᖅ ᑕᐃᕕᑦ ᕕᓕᑉ ᔫᓐᓯᒧᑦ ᐊᐃᕐᕆᓕ 01, 2008-ᒥᑦ ᔪᓚᐃ 03, 2008-ᒧᑦ ᑎᑭᖢᒍ. ᓄᐊᒪᓐ ᐱᑭᐅᓪ ᓱᓕᑦᑎᐊᕐᓂᕐᒧᑦ ᑲᒥᓴᓇᐅᑲᐃᓐᓇᕐᓂᐊᕐᓂᕐᒧᑦ ᑎᒃᑯᐊᖅᑕᐅᓚᐅᖅᓯᒪᔪᖅ ᔪᓚᐃ 03, 2008-ᒥᑦ, ᑭᖑᓂᑦᑎᐊᖓᒍᓪᓗ ᓱᓕᑦᑎᐊᕐᓂᕐᒧᑦ ᑲᒥᓴᓇᓐᖑᖅᑎᑕᐅᓪᓚᕆᒃᖢᓂ ᓄᕕᐱᕆ 09, 2008-ᒥ.