|
ᐃᒻᒥᒧᑦ ᐊᒡᕕᐊᕈᑎᖃᖅᑕᐃᓕᒪᓂᕐᒧᑦ
ᑲᒥᓴᓇᐅᑉ ᖃᓄᐃᓕᐅᖃᑦᑕᖅᓯᒪᓂᑯᖏᑦ
ᐃᓗᐃᑦᑑᑦᑎᐊᕐᓂᕐᒧᑦ ᐱᖁᔭᕐᔪᐊᖅ
ᐅᓂᒃᑳᑦ ᕿᒥᕐᕈᓇᒃᑕᐅᓯᒪᔪᓪᓗ
ᓇᓗᓇᐃᔭᐃᓂᕐᒧᑦ ᑐᕌᖓᔪᑦ ᑕᑕᑎᕆᐊᓖᑦ
|
ᑲᒥᓴᓇᐅᑉ ᐅᓂᒃᑳᓕᐊᕆᔭᕆᐊᖃᖅᑕᖏᑦ ᕿᒥᕐᕈᓇᒋᐊᖃᖅᑕᖏᓪᓗ
ᐃᒻᒥᒧᑦ ᐊᒡᕕᐊᕈᑎᖃᖅᑕᐃᓕᒪᓂᕐᒧᑦ ᑲᒥᓴᓇ ᐊᕐᕌᒍᑕᒫᖅᓯᐅᑎᓂᒃ ᐅᓂᒃᑳᓂᒃ ᓴᖅᑭᑦᑎᔭᕆᐊᖃᖅᑎᑕᐅᔪᖅ
ᒪᓕᒐᓕᐅᕐᕕᖕᒧᑦ ᐊᒻᒪᓗ ᐱᔪᒪᒍᑎᒃ, ᑎᓕᔭᐅᑐᐃᓐᓇᕆᐊᖃᖅᖢᓂ ᐊᓯᖏᓐᓂᒃ ᐃᖅᑲᓇᐃᔮᕆᔭᐅᔭᕆᐊᓕᖕᓂᒃ ᐱᓕᕆᖁᔭᐅᓗᓂ. ᐊᐃᕐᕆᓕ 25,
2000-ᐅᑎᓪᓗᒍ, ᕌᐳᑦ ᔅᑖᓐᐱᐅᕆ, ᐃᒻᒥᒧᑦ ᐊᒡᕕᐊᕈᑎᖃᕐᓂᕐᒧᑦ ᑲᒥᓴᓇᐅᓱᖓᖅᖢᓂ, ᐊᑐᓕᖁᔭᓕᐅᖁᔭᐅᓚᐅᖅᓯᒪᔪᖅ
ᐋᖅᑭᒃᓱᐃᖁᔭᐅᓪᓗᓂ ᓄᑖᓂᒃ ᐃᒻᒥᒧᑦ ᐊᒡᕕᐊᕈᑎᖃᕐᓂᕐᒧᑦ ᒪᓕᒐᒃᓴᓂᒃ ᐊᑐᖅᑕᐅᔪᒃᓴᐅᑕᐅᓂᐊᖅᑐᓂᒃ ᓄᓇᕗᓐᖑᓵᖅᑑᑉ
ᒪᓕᒐᓕᐅᖅᑎᖏᓐᓄᑦ. ᐅᓂᒃᑳᓕᐊᖏᑦ ᑕᐃᒎᓯᓖᑦ, "ᑕᖏᖃᑦᑎᐊᕐᓂᕐᒥᒃ ᑐᓐᖓᕕᓖᑦ" ᑐᓐᓂᖅᑯᑕᐅᓚᐅᖅᓯᒪᔪᑦ ᓄᕕᐱᕆ 15,
2000-ᐅᑎᓪᓗᒍ, ᐊᒻᒪᓗ ᒪᓕᒐᓕᐅᕐᕕᖕᒧᑦ ᓴᖅᑭᑕᐅᓪᓗᑎᒃ ᒪᐃ 22, 2001-ᖑᓕᖅᑎᓪᓗᒍ.
ᑭᓇᑐᐃᓐᓇᖅ ᐃᒻᒥᒧᑦ ᐊᒡᕕᐊᕈᑎᖃᖅᑕᐃᓕᒪᓂᕐᒧᑦ ᑲᒥᓴᓇᒥᒃ
ᕿᒥᕐᕈᓇᖁᔨᔪᓐᓇᖅᑐᖅ ᒪᓕᒐᓕᐅᖅᑏᑦ ᒪᓕᓕᕋᓗᐊᕐᒪᖔᖏᓐᓂᒃ ᐃᓗᐃᑦᑑᑦᑎᐊᐅᕐᓂᕐᒧᑦ ᐱᖁᔭᕐᔪᐊᕐᓂᒃ. ᐃᒻᒥᒧᑦ
ᐊᒡᕕᐊᕈᑎᖃᖅᑕᐃᓕᒪᓂᕐᒧᑦ ᑲᒥᓴᓇ ᐅᓂᒃᑳᓕᐅᕆᐊᖃᖅᑎᑕᐅᖃᑦᑕᖅᑐᖅ ᑐᓐᓂᖅᑯᑎᒋᔭᐅᔪᒃᓴᓂᒃ ᐅᖃᖅᑎᒧᑦ, ᐅᖃᖅᑎᐅᑉ
ᓴᖅᑭᑦᑐᓐᓇᕐᓂᐊᕐᒪᒋᑦ ᒪᓕᒐᓕᐅᕐᕕᐅᑉ ᐃᓗᐊᓄᑦ. ᓴᖅᑭᑕᐅᓯᒪᔪᑦ ᐅᓂᒃᑳᑦ ᐊᔾᔨᖏᑦ ᑖᒃᑯᑎᒎᓇᖅ ᖃᕆᓴᐅᔭᒃᑯᑦ
ᐊᑐᐃᓐᓇᕈᖅᑎᑕᐅᖃᑦᑕᖅᑐᑦ.
|
ᐊᕐᕌᒍᑕᒫᖅᓯᐅᑏᑦ ᐅᓂᒃᑳᑦ |
ᒪᐅᓇᑐᐃᓐᓈᖅᑐᑦ ᐅᓂᒃᑳᑦ |
ᕿᒥᕐᕈᓇᓚᐅᕐᓂᕐᒧᑦ ᑐᕌᖓᔪᑦ ᐅᓂᒃᑳᑦ |
|
|
|
|
|
