|
ᐃᒻᒥᒧᑦ ᐊᒡᕕᐊᕈᑎᖃᖅᑕᐃᓕᒪᓂᕐᒧᑦ
ᑲᒥᓴᓇᐅᑉ ᖃᓄᐃᓕᐅᖃᑦᑕᖅᓯᒪᓂᑯᖏᑦ
ᐃᓗᐃᑦᑑᑦᑎᐊᕐᓂᕐᒧᑦ ᐱᖁᔭᕐᔪᐊᖅ
ᐅᓂᒃᑳᑦ ᕿᒥᕐᕈᓇᒃᑕᐅᓯᒪᔪᓪᓗ
ᓇᓗᓇᐃᔭᐃᓂᕐᒧᑦ ᑐᕌᖓᔪᑦ ᑕᑕᑎᕆᐊᓖᑦ
|
ᐃᒻᒥᒧᑦ ᐊᒡᕕᐊᕈᑎᖃᖅᑕᐃᓕᒪᓂᕐᒧᑦ ᑲᒥᓴᓇᐅᑉ ᐱᓕᕆᐊᕆᕙᖕᓂᑯᖏᑦ
ᕌᐳᑦ ᔅᑖᓐᐱᐅᕆ ᓯᕗᓪᓕᖅᐹᑦᑎᐊᖑᓪᓗᓂ ᐅᓪᓗᒥ ᐃᒻᒥᒧᑦ
ᐊᒡᕕᐊᕈᑎᖃᖅᑕᐃᓕᒪᓂᕐᒧᑦ ᑲᒥᓴᓇᒋᔭᐅᔪᖅ ᓄᓇᕗᒻᒥ.
ᐃᒻᒥᒃᑰᖅᖢᓂ ᑲᒪᔨᐅᔪᖅ ᒪᓕᒐᓕᐅᕐᕕᖕᒧᑦ, ᐃᒻᒥᒧᑦ
ᐊᒡᕕᐊᕈᑎᖃᖅᑕᐃᓕᒪᓂᕐᒧᑦ ᑲᒥᓴᓇ ᐅᖃᐅᔾᔪᐃᔨᒋᔭᐅᖃᑦᑕᖅᑐᖅ ᒪᓕᒐᓕᐅᖅᑎᓄᑦ ᐃᖅᑲᓇᐃᔭᑦᑎᐊᓕᕋᓗᐊᕐᒪᖔᖏᓐᓂᒃ
ᐱᔭᒃᓴᖅᑖᕆᓯᒪᔭᕐᒥᖕᓂᒃ ᐊᒻᒪᓗ ᐊᐅᓚᑦᓯᔨᐅᓪᓗᓂ ᒪᓕᒐᓂᒃ ᑭᐅᑦᑕᕐᓂᐅᔭᕆᐊᓕᖕᓂᒡᓗ ᐃᒻᒥᒧᑦ
ᐊᒡᕕᐊᕈᑎᖃᖅᑕᐃᓕᒪᓂᕐᒧᑦ ᐱᖁᔭᕐᔪᐊᑦ ᐃᓗᓕᖏᓐᓂᒃ.
ᐱᓕᕆᐊᒃᓴᖃᕐᒥᔪᖅ
ᐊᑐᓕᖅᑎᑦᓯᓂᕐᒥᒃ ᓄᓇᕗᒥ ᓂᕈᐊᖅᑐᓕᕆᓂᕐᒧᑦ ᐱᖁᔭᕐᔪᐊᒧᑦ, ᐊᖏᖅᑕᐅᓯᒪᓪᓗᓂ ᐊᖏᖃᑎᒌᒍᓐᓇᖁᓪᓗᒍ ᐃᓄᖕᒥᒃ
ᓯᖁᒥᑦᑎᓯᒪᓂᕋᖅᑕᐅᔪᒥᒃ ᐱᖁᔭᕐᔪᐊᒥᒃ.
ᐊᔭᐅᖅᑎᒃᑯᑦ ᐅᓂᒃᑳᓕᐊᖓᑦ "ᐃᒻᒥᒧᑦ
ᐊᒡᕕᐊᕈᑎᖃᖅᑕᐃᓕᒪᓂᕐᒧᑦ ᑲᒥᓴᓇ ᓄᓇᕘᒧᑦ ᑎᒃᑯᐊᖅᑕᐅᓂᖓᑦᑕ ᐅᓂᒃᑳᓕᐊᖏᑦ, ᒥᔅᑐ ᔅᑖᓐᐱᐅᕆ
ᐃᒻᒥᒧᑦ ᐊᒡᕕᐊᕈᑎᖃᖅᑕᐃᓕᒪᓂᕐᒧᑦ ᑲᒥᓴᓇᓐᖑᖅᑎᑕᐅᓚᐅᖅᓯᒪᔪᖅ ᒪᓕᒐᓕᐅᕐᕕᖕᒧᑦ ᒫᔾᔨ 22, 2000-ᒥᑦ,
ᑕᕝᕙᓂᓗ ᐃᓕᔭᐅᓯᒪᓕᕐᓂᑰᓪᓗᓂ ᔭᓄᐊᕆ 20, 2000-ᒥᓂᑦ.
ᐅᓂᒃᑳᓕᐊᕆᓚᐅᖅᑕᖏᑦ, "ᐃᓗᐃᑦᑑᑦᑎᐊᕐᓂᕐᒥᒃ
ᐱᖅᑯᓯᖃᕐᓂᖅ", ᐅᓪᓗᓕᖅᑕᐅᓯᒪᔪᖅ ᓄᕕᐱᕆ 15, 2000, ᐊᒻᒪᓗ ᒪᓕᒐᓕᐅᕐᕕᖕᒧᑦ ᓴᖅᑭᑕᐅᓚᐅᖅᖢᑎᒃ ᒪᐃ
22, 2001-ᖑᑎᓪᓗᒍ, ᑐᓐᖓᕕᒋᔭᐅᓕᓚᐅᖅᑐᖅ ᓄᑖᓄᑦ ᐃᓗᐃᑦᑑᑦᑎᐊᕐᓂᕐᒧᑦ ᐱᖁᔭᕐᔪᐊᕐᒧᑦ
ᑲᔪᓯᑎᑕᐅᓚᐅᖅᓯᒪᔪᒧᑦ |
